blómstrandi glerskápur í eldhúsinu. // flower on china in the cupboard

 Þrátt fyrir frekar kalt vor

 er glerskápurinn minn aldeilis farinn að blómstra á ný.

Bleikblómstrandi póstulínið hefur aftur ratað í glerskápinn rétt eins og í fyrravor,
meðan annað fær að vikja í bili.
 En núna hefur enn fleyra bæst við, staflar af blómstrandi diskum og bollum, kökufat og rjómakanna bættist í safnið um daginn, ýmist skreytt með bleikum rósum eða gulum og vínrauðum.

Kökudiskar og bollar í stöflum finst mér koma skemmtilega út með fallegum aukahlutum, er dáldið hrifin af leirtaui í stöflum, helst dáldið ósamstætt,

og svo er að myndast ágætis safn af stórum diskum með margskonar fallegum mynstrum.

 Vildi svo óska þess núna að hér hjá mér væri veggpláss fyrir diskarekka, svo þeir myndu njóta sín betur.

þessir kökudiskar eru hluti af þvi sem var að bætast í safnið  og stóri diskurinn í bakgrunninum líka, finst blómamunstrið í disknum æði og passar svo vel við litlu skálina og diskinn á fætinum sem er eins og villt blómaengi og hefur verið mikið í notkun hérna.

Nýja rjómakannan og hluti af bollunum

þessi kaffikanna var að koma úr vetrardvala og ætlar að njóta sín vel í sumar.

 Svo skrapp ég í Ikea um helgina og bætti bleikum latte glösum við, svo brúnu glösin og súpuskálar í jarðlitum fengu sumarfrí og litríkari skálar leysa af á meðan. og handskreytta skálinn og kannan tóna bara vel með öllu saman.

Smá stafli af nýju bollunum stendur á bakka á eldhúsborðinu, rétt við kaffivelina. 

Tekur einhver eftir kókflöskunni á bakkanum?  

svo gömul og sjarmerandi og mátuleg fyrir eitt sætt blóm,

er pínu í uppáhaldi hjá frúnni.

Má bjóða ykkur tíu dropa?

Kær kveðja
Stína Sæm