gamlir trékassar // old crates

Í dag póstaði ég mynd af nýja trékassanum mínu, sem er bara einn af nokkrum sem ég er með hér heima og ætla ný og spennandi verkefni.

En hvað er hægt að gera við nyja/gamla trékassa annað en að nota sem geymslukassa?

Skella nokkrum upp á rönd, raða þeim upp og setja hjól undir;

komnar þessar fínu hillur.

Eða stafla óreglulega upp;

þá ertu komin með heilar "hillusamstæður"

Svo má prufa að festa þá upp á vegg;

jebb virkar fyrir dótið í barnaherbergið,

fyrir bækurnar,

og alveg algjörlega að virka fyrir baðherbergið finst mér.

Svo eru kassarnir, af öllum stærðum og gerðum, alveg ideal í eldhúsið;

kjerstislykke

Eða einfaldlega í stöbblum;

Sem hliðarborð;

Já og ég fann ekkert upp hjólið í þessum kassamálum;

Svo fyrir þá sem ekki eru fyrir old wood lúkkið, má alltaf mála þá;

Hvort sem þið viljið enn halda í gamla  rustic lúkkið....

eða að hafa þá fína og flotta í öllum mögulegum litum.

Allar myndirnar ásamt fleyrum má finna á;

 pinterest 

Ég geri svo ráð fyrir að nota helgina í enn meira trekassa föndur,

ætla kanski einhverjir að gera eithvað sniðugt fyrir heimilið?

Eigið góða helgi,

 kveðja;

Stína Sæm

Nýji tímaritakassinn minn // my new magazine crate

Ég var að næla mér í nokkra veglega og sterka eplakassa, 

mun sterkari en þeir sem ég hef náð í hingað til svo ég fór að sjálfsögðu að hamstra.

og kippti nokkrum með mér heim og fór að bæsa og leika mér og hér er sá fyrsti tilbúinn, með hjólum sem ég átti til og þjónar sem tímaritakassi til að byrja með.

 Það er að segja þegar hann var búin að sitja fyrir og láta mynda sig í bak og fyrir.

Ég á eftir að ákveða hvað ég ætla að skrifa á kassana en byrjaði á bara beisik upplysingum um að þessi flutti epli til landsins.

Og hvað gerir maður svo við nokkur stk trékassa? 

Ég ætla að gera annann blogpóst seinna í dag með hugmyndum að því hvað hægt er að gera við svona kassa. 

Ef þið eruð eithvað að velta því fyrir ykkur.

kær kveðja 

Stína Sæm

Gleðilegt sumar

Þá er sumarið komin,

 sumardagurinn fyrsti í dag og sólin skín skært og lofar  bjartari daga.

Það þýðir líka að nú fer sumarmyndunum að fjölga hér inni.

Í fyrra setti ég inn sumarmyndir á hverjum föstudegi.....

 fannst það svo viðeigandi og gaman fyrir helgina

Það gat verið hvað sem er,
 bara á meðan það minnti á sumar og sól.

eins og td myndir af garðpartýi
 eða picnik

og gjarnan myndir af garðinum og garðplöntum, 

garðhúsgögn og reiðhjól eru líka sumarlegt og fallegt myndefni sem ég er pínu veik fyrir og oft slæðist hér inn yfir sumarið.

(Þessar og fleyri myndir á http://pinterest.com/stinasaem/summer/)

Gleðilegt sumar kæru vinir og mig langar að bjóða alla velkomna sem hafa bæst við í vetur... sem eru ótrúlega margir skal ég segja ykkur og mig hlakkar mikið til að fá að eyða sumrinu með ykkur.

við munum skoða svo margt fallegt sem tilheyrir þessari dásamlegu árstíð.

kjallarinn fyrir og eftir // the bacement before/after

Nirði í kjallaranum var áður fullbúin íbúð með tveimur svefnherbergjum.

  Það er nokkuð síðan við gerðum stiga niður og bættum kjallaranum við heimilið, unglingarnir hafa verið með herbergi þar auk þess sem við fluttum sjónvarpið niður. En þar var aldrei neitt sérstaklega huggulegt, svo ég fari nú mildum orðum um ástandið.

Núna var annar sonurinn og kærastan að byrja að búa og hinn sonurinn fór í 6 mánaða útlegð til Tælands svo við notuðum tækifærið og máluðum kjallarann allann og útbjuggum nýtt gestaherbergi í öðru herberginu.

Það eina sem var keypt var málningin (jú og ný sormjárn fyrir gluggana) , allt annað var þarna fyrir eða dregið upp úr geymslunni, búið til úr brettum og ávaxtakössum og jafnvel strigapokum.

fyrir gestina

Við erum loks búin að flikka upp á kjallarann ... svona að mestu leiti, nú á ég bara eftir að klára smáatriðin; hengja upp hitt og þetta, föndra pínu meir. breyta smá. bæta aðeins við... sagði ég klára smáatriðin?!

jæja, halda áfram að punta smá, á betur við.

Ég hef verið að setja inn myndir af lagfæringunum nokkurveginn jafnóðum í albúmi  á  facebook. og ótrúlega margir hafa fylgst með því þar en þær myndir hafa bæði byrst hjá auskula sem framleiðir þessa frábæru kalkmálningu og hjá stöllunum með Hugmyndir fyrir heimilið og ég  þakka þeim öllum fyrir frábær ummæli og hrós um þetta skemmtilega og einfalda verkefni mitt. 

En mér finst amk kominn tími til að sýna ykkur hérna hvernig útkoman er

og byrja á gestaherberginu:

Þó við séum ekki mörg á heimili lengur, er full þörf á þessu herbergi, í fyrsta lagi þá eigum við tvö frábær börn sem búa í Noregi og koma reglulega til að vera hjá mér og pabba sínum. Unga daman hefur núna fengið risherbergið útafyrir sig og bróðir hennar mun þess vegna fá þetta herbergi til umráða.

Svo á ég fullt af frábærum frændsystkynum á öllum aldri sem eru mikið í heimsókn eða pössun hjá Stínu frænku  og Gunna og þarna verða núna leikföng og bækur fyrir yngstu gestina. En þar á meðal eru Tonka bílar sem Gunni átti og fullt af öðrum gömlum og furðu vinsælum leikföngum í bland við nýtt. 

En kíkjum betur á herbergið;

Rúmið er eins og þið sjáið búið til úr vörubrettum, náttborðið er trappa sem sonur minn gerði í smíðanámi og ég notaði sem borð fyrir kaffibollann úti á palli í amk tvö ár svo það var orðið skemmtilega veðrað.

Fjölin fyrir ofan rúmið er af einu vörubrettinu  og nöglunum úr brettinu var bara dreyft reglulega um fjölina til gera snaga fyrir hitt og þetta skemmtilegt.
 Púðarnir tveir eru svo gerðir úr strigapolum frá Kaffitár. 

ég þakka ykkur í auðmykt fyrir hreint ótrúleg viðbrögð við því sem komið er.
Hlakka til að sýna ykkur fleyra frá kjallaranum.

Viska í tebolla

í kjallaranum

Þar sem ég var að byrja  að vinna koma perur og appelsínur í miklu magni, í þunnum trekössum, ekki ósvipuðum mandarínukössunum sem við sjáum í búðunum í desember...(muniði hvað ég var hrifin af þeim hér)  þessir eru bara mun stærri og perukassarnir eru líka þónokkuð grófari en hinir. Ég var að byrja að taka kjallarann í gegn og leið eins og þessi vinna hafi verið send mér af himnum ofan þegar ég sá inní grænmetiskælirinn og nyja konan reyndist stórundarleg og fór að bera alla kassana útí bíl, en ekki í endurvinslugáminn fyrir aftan hús.

DIY:

Ég læt stálull liggja í ediki amk einn sólarhring og pensla því svo á kassana, eftir nokkrar mínutur verða þeir gráir eins og þeir hafi legið úti nokkurn tíma og svo pensla ég þá með Melrose´s te, og fæ þá enn betri og eldri áferð. Bara teið dugar, en þetta tvennt saman kemur mun betur út.
Einfalt og auðvelt.

.