Í sumarfríi á Krít

Þar sem að sumarið virðist ekki ætla að koma almennilega hérna hjá okkur á suðvestur horninu og þetta stefnir í mesta rigningar sumar frá því mælinga hófust þá er það alveg til að bjarga geðheilsuni og létta lundina að hafa haft tækifæri til að fara í frí í sumar og sól í nokkra daga og koma heim með sól í hjarta og fullt af myndum til að viðhalda sumartilfinninguni og geta deilt aðeins með ykkur.....

 í nokkrum bloggpóstum!

Við fórum með Heimsferðum á eyjuna Krít en þau bjóða upp á fullt af gistimöguleikum við strandlengjuna á nyrsta hluta eyjunar i nálægð við gamla bæinn í Chania... 

Við vorum á Calini hótelinu við Agia ströndina og ég var alveg að elska það að gista svona við ströndina

með útsýni yfir sjóinn

 og með strandbarinn og ströndina fyrir neðan okkur. 

af svölunum gátum við séð sólina koma upp eldsnemma á morgnana

 fylgst með lífinu lifna við á ströndinni,

eða notið þess að sjá byrtuna breytast þegar hún fór niður

Hótelið er með sólhlífar og bekki sem við nyttum vel í fríinu,

Strandbarinn, sem var svosem ekkert fansý og flottur en bara ósköp notalegur, var líka vel nýttur í ferðinni og alveg nauðsynlegt að geta komist aðeins úr sólinni og sest í skugga og fengið sér drykk eða snarl.... melónur voru meðal annars í boði á snakkbarnum og ég var alveg sólgin í þær þarna í hitanum.... ooog nú langar mig bara í eina sneið þegar ég hugsa um það!

það var líka pínulítil og hugguleg sundlaug þarna við strandbarinn, 

og plönturnar gera allt svo fallegt!

Byggingin sem við vorum í við ströndina var bara hluti af stærra hóteli og við vissum að það væri smá labb upp í aðalbygginguna þar sem lobbýið og veitingastaðirnir voru.

Það er að vísu boðið uppá skutl á milli en við nutum þess bara að labba það, hvort sem var í morgunmat eða annað og  brú  tengdi þessa byggingu og aðra sem var hinum megin við götuna 

(ath Ég mæli ekki með að fólk sem á erfitt með gang eða er ekki við fulla heilsu velji að gista við ströndina, aðalbyggingin er þá mun þægilegri á allan hátt)

en gatan lá meðfram allri strandlengjuni og umferðin gat verið rosalega mikil,en þarna var bara endalaust af gististöðum, búðum og veitingastöðum... dæmigert túristasvæði.

 þessi mynd er tekin eldsnemma, sólin enn lágt á lofti og umferðin rétt að vakna

 og Þetta er eina myndin sem ég tók þarna megin við bygginguna Þetta er allt mikið meira aðlaðandi séð frá ströndinni.

og hún á í raun ekkert heima á Svo margt fallegt blogginu, bara til að gefa smá raunsanna mynd af þvi hvernig gatan lítur út ef þið eruð á leið þangar. 

En það var svo margt annað fallegt sem við vorum að njóta í þessari ferð 

og ég á eftir að sýna ykkur. 

 Aðal hótelbyggingin er uppí á hæðinni og þar er lobbýið og veitingastaðirnir með alveg geggjað útsýni og og aðalsundlaugin...

en til hliðar er svo "relaxing" sundlaugin og okkur fanst hún algjört æði 

og ég varð auðvitað að prufa aðeins að leggjast í hengirúmið og lesa..

veit þó ekki alveg hvað ég er að brasa þarna þegar Gunni tók þessa mynd, líklega enn að koma mér fyrir,  en þetta er amk ekki svona uppstillt skvísu bloggmynd haha

Við urðum alls ekki fyrir vonbrigðum með matinn á hótelinu og ef við vorum ekki á þvælingi þá borðuðum við oft hádegis og kvöldmat þar og úrvalið var mjög gott og síbreytilegt svo við vorum alltaf að fá eithvað nýtt.... sumt var þó alltaf hægt að ganga að sem vísu eins og td griska sallatið sem ég varð alltaf að fá mér líka.

morgunverðurinn var mjög góður, þarna var allt þetta venjulega og meira til 

og fastur liður var að byrja á að ná sér í nýkreistann appelsínusafa

 Æðislegt úrval af ávöxtum... svo ferskir og djúsí

brauðbarinn stútfullur af brauði sem er bakað á staðnum

Þetta fanst mér svolítið mikið töff

ekkert hægt að efast um að hunangið sé nýtt og ferskt!

Fyrir utan þetta venjulega og hefðbundna sem við gátum gegnið að sem vísu alla morgna þá var oft eithvað öðruvísi, eithvað sem boðið var uppá bara einn morgun 

og einn morguninn var verið að hella uppá Krítverskt kaffi með tilheyrandi tilstandi.

Vatn hitað á prímus, kaffi hrært úti og suðan látin koma upp 

allt eftir kúnstarinnar reglum og rosa smart og flott 

og ekki vantaði kaffi ilminn þegar hún hellti því í bollann...

en ég skal nú bara segja það eins og er að krítverskt kaffi er líklega versta kaffi sem ég hef fengið... eins og þegar við hellum uppá og kaffifilterinn lekur niður svo kaffið er fullt af kaffikorg... 

Þetta var þannig kaffi!

En þetta er smá útúrdúr og var bara áhugavert.

Vel útilátinn morgunverður til a byrja daginn.

Eftir svona morgunverð hefur maður svo bara gott af því að þurfa svo að labba aftur til baka 

á leiðin bara rétt fyrir neðan aðalbygginguna var þetta yfirgefna hús,

sem fékk alltaf heilmikla athygli

og það var ekki bara af því að ég heillast að svona andstæðum i niðurbrotnum mannvirkum og gróskumikilli náttúru.

Nei þetta var nefnilega kisuhúsið!

en þarna bjó kisufjölskylda, 

ótrúlega fallegir kettir sem voru svo gæfir enda miðað við draslið í kringum húsið hjá þeim þá er alltaf verið að gefa þeim að borða, en þarna voru plastílát, tunadósir, kattamatur og vatnsbrúsar út um alla lóð.

og hér bjuggu amk þrír fullorðnir kettir og fjórir ketlingar

Kisumamma með ungana sína... 

og uppí á vegg sat kisupabbi ósköp spakur og rólegur

og geispaði bara!

Þá er ég búin að segja aðeins frá því hvert við fórum í frí og hvar við gistum...

en þá er sagan nú ekki búin heldur bara rétt að byrja.

við notuðum fyrsta daginn til þess að taka því rólega, röltum berfætt í flæðamálinu nokkuð langt meðfram ströndini og vorum bara að njóta dagsins þar.

svo tókum við lítinn bíl næstu þrjá daga og keyrðum aðeins um .....

skoðuðm sveitirnar þarna í kring,

litlu þorpin, gamlar rómverskar rústir, klaustur, kíktum í vinrækt og eina fallegustu strönd evrópu... 

þar sem fór að hellirigna áður en við náðum að setjast niður og ég tók eina alskyjaða mynd á ströndinni áður en við flúðum aftur í bílinn.

en leiðin þangað var stórfengleg 

og keyrt fjallaveg í gegnum fullt af litlum gömlum þorpum svo það var vel þess virði.

Svo fórum við dagsferð til Santorini....

 og að sjálfsögðu kíkt í gamla bæinn í Chania oftar en einu sinni.

og allstaðar var tekið fullt af myndum til að deila með ykkur

Þannig að það eru nokkrir bloggpóstar í vinnslu.

Svo við skulum spenna beltin og fara á flakk um Krít þessa verslunarmannahelgi.
Eigið góða helgi

Sólarkveðja

þegar ég mála húsgögn.....

Mér finst þessi orð frá Marian Parson eiganda miss mustard seed´s milk paint,

 eiga svo vel við þegar ég mála með milk paint. 

því það er einmitt karakterinn og gallarnir í húsgögnunum sem mér finst gefa milk paint verkefnum, eins og gamla miru sófaborðinu mínu, þann einstaka gamla sjarma sem ég leitast oft eftir.

 Borðið var málað með Typewriter og varið með húsgagnavaxinu og hefur staðist mikla notkun og þrif í dágóðan tíma..... 

og ég er enn jafn hrifin af mátulega sjúskuðu lúkkinu á því.

 Kíkið í netverslsunina og skoðið úrvalið af litum frá miss mustard seed´s og vörnum til að verja málninguna með. 

Þú finnur allar vörurnar frá miss mustard seed´s hér:

svomargtfallegtverslun.is//mms-milk-paint

Svo væri rosalega gaman að sjá ykkar verkefni.
 þið getið deilt myndum  í grúbbuna
Málum svo margt fallegt á facebook

við bökum úr rabbabara í dag

Ég stóð ömmugullið að því að vera að stela einum rabbabara í næsta garði...

með Loga litla með sér að sjálfsögðu en hún er búin að vera með hann í taumi allt sumarfríið sitt hvort sem þau eru úti í garði eða að þvælast hér á milli húsa í götuni,

og þegar ég sá rabbabarann langaði mig í eithvað nýbakað og sætt úr honum 

svo ég bað hana að sækja nokkra í viðbót fyrir okkur.

Ég tek það fram að við höfum  leyfi til að nýta hann svo það var allt góðu 

og þau náðu í nokkra í viðbót í baksturinn.

Ég er rosalega hrifin af alls koanr crumble eða mulnings uppskriftum, hvort sem það er epla, berja eða rabbabara...

kanski af því að það er svo einfalt og ég er ekki mikið fyrir að flækja hlutina í eldhúsinu og þetta er meira svona  hlutföll af hráefnum en engin sérstök uppskrift.

ég þurfti  bara nokkra rabbabara sem ég skar niður í litla bita 

 nógu mikið til að þekja botninn á pönnuni (eða eldöstu móti)

svo þar sem rabbabarinn er svo súr og þetta var ætlað fyrir litlu músina mína og vinkonu hennar þá bætti ég við slmá af jarðaberjum sen ég átti í frystir... auðvitað væri ekki verra að nota fersk.

svo sáldraði ég smá súkkulaðirúsínum yfir,

bara sirka svona eru hlutföllin ...

botnfylli af rabbabara, slatti af jarðaberjum og smá rúsínur. 

Ekkert flókið!

Svo er það mulningurinn:

  ég blanda saman mjöli, smjöri og sykri
í hlutföllunum einn af mjöli og hálfur af smjöri og hálfur af sykri .

Ég hef mjölið 50/50 bæði hveiti og haframjöl og  notaði venjulegan sykur núna, en nota oft púðusykur.

ég  britja niður smjörið og svo blanda ég þessu saman í höndunum.

og dreifi því svo yfir pönnuna

 inní ofn og baka það í ca 30 min við 200°c

 og svo er það borið fram heitt, með fullt af ís og ég átti smá af bláberjum sem við höfðum með núna

stelpurnar borðuðu með bestu lyst 

þó annari hafi nú að vísu þótt ísinn betri en rabbabarinn haha 

Þetta er eins og ég segji virkilega einfalt og gott og bara grunn uppskrift sem hægt er að útfæra fyrir allskonar crumble og svo auðvelt að snúa yfir í hollari útgáfu líka með spelti, haframjöli og hollari sætuefnum.

En eigið nú ljúfan og sætan sunnudag elskurnar.

Smá bohem stemning heima

Munum eftir að gefa okkur tíma fyrir það sem veitir okkur ánægju.

Njótið dagsins í dag
og takk fyrir að kíkja við.

kveðja

Plaststóll málaður með Fusion málningu

Ég á nokkra, virkilega upplitaða og sjúskaða, græna plaststóla sem ég hef stunudum spáð í að losa mig við, en þeir eru bara geymdir undir tröppum á pallinum og notaðir ef eithvað stendur til og vantar fleyri sæti úti..... sem er ekki oft skal ég viðurkenna.

Ég hafði séð svona plast stóla málaða á Fusion síðuni svo ég freistaðist til að prufa

Tveir af stólunum eru þó notaðir uppi á svölum og þeir eru aðeins öðruvísi en restin með aðeins hærra baki svo ég valdi einn af þeim til að byrja á.

og þar sem það er nú ekki alltaf veður til að mála útihúsgögn utandyra þá tók ég einn þeirra inn,

þreif hann vel og svo bara málaði ég beint á plastið með litnum Ash frá Fusion.

Fusion er akríl málning með mikla viðloðun en við erum þó með efni sem heitir ultra grip og er notað sem grunnur á hluti sem eru virkilega sjæni og ekki hægt að rispa yfirborðið, eins og td húsgögn með laminate-plasthúðini, gler eða álíka. 

og í flestum tilfellum myndi ég mæla með því líka á svona plast stóla en þessir voru svo virkilega veðurbarðir að plastið var alveg matt og yfirborðið bara orðið frekar gróft.

Svo ég bara málaði beint á plastið, 

eina umferð.

Hér er svo fyrir/eftir mynd,

nýmálaða stólnum stillt upp með einum ómáluðum... sem væntanlega er þá næstur undir pensilinn!

En hér koma svo nokkrar myndir af stólnum niðri á palli:

Liturinn Ash er alveg kolagrár, næstum svartur en ekki alveg,

jújú og svo eru fleyri málningarverkefni á pallinum sem ég á eftir að sýna ykkur.

 Fusion málninguna finnið þið í netversluni:

svomargtfallegtverslun.is

og svo set ég inn linka á góð ráð og leiðbiningar um málninguna, 

bæði á Pinterest og á facebook síðuna.

Kíkið líka á grúbbuna Málum svo margt fallegt

Sætur sunnudagur í júlí

Grísk jógúrt með muslí og berjum er í miklu uppáhaldi hjá  Íris Lind svo það er að verða hefð þegar hún er hjá ömmu og afa.

Gríska jógúrtin hefur að vísu ekkert með sumarfríið okkar á grísku eyjuni krít að gera, 

enda varð ég lítið vör við jógúrt þar fyrir utan að finna út síðustu dagana hvar það var í morgunverðarhlaborðinu.... hjá eftirréttunum og ávöxtunum og veit ekkert hvernig þeir nota það.

Musli, jógúrt og ber, helst í glerglasi á fæti, er einfaldur og svo ótrúlega girnilegur og fallegur morgunverður....
og ekki er verra að börnin falla fyrir því líka

punkturinn yfir iið er svo að dreifa smá sýropi eða hunangi yfir til að fá smá extra sætubragð

litlir puttar læðast í hunangið....

og svo er bara að borða með bestu lyst!

Fallega ömmumúsin mín!

Ummm girnilegt og ljúffengt,

eigið góðan og sætan sunnudag elskurnar.