í Hús og híbýli

 Um daginn kom tvíeikið frá hús og híbýli, þau Þórunn og Bragi í heimsókn og mynduðu heimilið okkar í hólf og gólf. og í dag datt svo blaðið inn um lúguna hjá mér. Svo ég settist með rjúkandi nýtt Hús og híbýli og kaffibollann, fletti í gegnum blaðið og furðaði mig á því hversu vel heimilið kemur út á prenti. 

Meira að segja þeir hlutir heimilisins sem ég hef lítið verið að flassa hér á bloggsíðunni eins og eldhúsinnréttingin og svefnherbergið, fékk pláss í blaðinu, svo ekki sé talað um húsfreyjuna sjálfa, (sem vill helst ekki vera of sýnileg hér á bloggsíðunni, þó stundum sé mælt með því á  interior-blogglandinu góða)   og viti menn.. sitjandi við eldhúsborðið og drekkandi kaffi!

En eins og þið sjáið þá var heimilinu gerð góð skil í stóru innliti, saga húsins og ótrúlega flottar myndir (gaman að skoða svona vel teknar myndir af heimilinu) og kofinn góði fékk sitt pláss líka, þó ekki hafi enn verið sjænað þar og puntað eftir veturinn.

 En þegar ég sé myndirnar þaðan, hlakkar mig til að taka þar til hendinni þegar fer að hlína örlítið.

Ég þakka þeim Þórunni og Braga innilega fyrir komuna.

og vona að þið verðið ánægð með þetta innlit hjá H&H