Borðstofuskápur Málaður Með Milk Paint, í Typewryter svörtum

Eins og ég sagði frá í Breytt og bætt bloggpóstinum í vikunni, þá ætla að ég sýna ykkur nokkrar myndir af gamla þreytta borðstofuskápnum sem ég málaði um páskana.

 

Þetta var líklega eitt fljótlegasta verkefni sem ég hef gert, 

hann er svo sléttur og einfaldur að gerð.

Ég eyddi kanski 5 mín í að pússa létt yfir hann fyrst, bara rétt til að rispa yfirborðið aðeins og svo málaði ég eina umferð með Typewryter frá Miss mustard seed´s milk paint, 

(sjáið litaúrvalið hér.)

loks bar ég Hemp olíuna á hann, en mér finst hún frábær, bæði er ég svo hrifin af áferðini og svo er svo lítið mál að bera hana á.

Svart er eiginlega eins og hvítt að því leitinu að hann er svo hlutlaus að allt passar með honum og það er hægt að raða hvernig sem er á skápinn í dag.

Hér er mynd sem gefur smá hugmynd um hvernig skápurinn leit út áður.
Hann var fallegur og með sinn sjarma, en farin að láta á sjá og ekki alveg að virka svona fanst mér.
Svo við skulum skoða aðeins betur hvernig hann kemur út í dag.

Að hluta til var ljós viður í skápnum og þar var málningin frekar gisin, en í staðin fyrir að fara aðra umferð þar, þá sjúskaði ég það bara enn meira með sandpappír á eftir, til að fá meiri karakter.

Nú þarf ég bara að finna nýjar höldur, ég á eina sem mér finst passa fullkomnlega og í næstu Reykjvíkurferð ætla ég að athuga hvort þær séu enn til. 

og þá verður hann klár.

Algjör sjarmur.

Eldhúsborðið og stólarnir er líka málað í sama svarta litnum, svo það er tenging þar á milli, enda rýmið opið svo eldhús og borðstofa rennur saman.
Hér bloggaði ég um það verkefni)

Svo Margt Fallegt á 

Instagram og facebook.

ps. Ef ykkur likar þessi póstur megið þið gjarnan klikka á fb takkann hér að neðan, svo ég sjái betur hvað ykkur líkar best.