Svo margt fallegt

með einum espresso

2012-03-08T09:00:00.000Z

Ég fór á nytjamarkað um daginn og fann þar 6 lítil og sæt latteglös frá IKEA, sem eru alveg eins og pastellituðu glösin í krakkalínunni, nema þessi eru hvít.

Litlu sætu krakka-letteglösin passa hinsvegar alveg fullkomnlega fyrir einn lítinn espresso...

sem svo verður fullkominn með einum góðum bita af suðusúkkulaði.

í kjallaranum

2012-03-05T09:00:00.000Z

Þar sem ég var að byrja að vinna koma perur og appelsínur í miklu magni, í þunnum trekössum, ekki ósvipuðum mandarínukössunum sem við sjáum í búðunum í desember...(muniði hvað ég var hrifin af þeim hér) þessir eru bara mun stærri og perukassarnir eru líka þónokkuð grófari en hinir. Ég var að byrja að taka kjallarann í gegn og leið eins og þessi vinna hafi verið send mér af himnum ofan þegar ég sá inní grænmetiskælirinn og nyja konan reyndist stórundarleg og fór að bera alla kassana útí bíl, en ekki í endurvinslugáminn fyrir aftan hús.

DIY:

Ég læt stálull liggja í ediki amk einn sólarhring og pensla því svo á kassana, eftir nokkrar mínutur verða þeir gráir eins og þeir hafi legið úti nokkurn tíma og svo pensla ég þá með Melrose´s te, og fæ þá enn betri og eldri áferð. Bara teið dugar, en þetta tvennt saman kemur mun betur út.
Einfalt og auðvelt.

ostaveisla á laugardagskvöldi

2012-03-03T20:19:00.000Z

kaffihús

2012-03-02T16:58:00.000Z

Ég hef dáldið verið að setja inn myndir af kaffihúsum eða veitingastöðum undanfarna föstudaga, enda finst mér það eiga voða vel við, og vera pínu föstudagsstemning að kíkja aðeins í góðann kaffibolla.

Í þetta sinn skellti ég saman nokkrum myndum sem ég hef safnað saman á pinterest í albúm sem er tileinkað kaffhúsum og bistro.

Er svona ein útgáfa af kaffhúsi sem ég væri til í að fara á.

þennann ramma kannast ég við úr IKEA en hér fer hann alveg svakalega vel sem krítartafla.

En krítartöflur eru pínu áberandi í þessu samansafni mínu, enda gagnlegar með eindæmum á svona staði og svo eru þær svo ægilega töff og flottar.

Ekki er verra að geta tekið kaffið með sér og drekka það svo úti og skoða mannlífið.

Myndin af sófanum hefur í raun ekkert með kaffihús að gera er minnir mig sófaauglysing, en mér finst að öll kaffihús þurfi einn þægilegann sófa og þessi passar alveg inn í þetta ýmindaða kaffihús mitt.

Svo er bara að panta af flottum kaffilista .....

og setjast niður með góðum vini, fá sér kaffi og með því

og eiga svo góða helgi.

pinterest.com/stinasaem

hjá Tine K Home

2012-03-01T10:00:00.000Z

Hér er svo margt fallegt fyrir eldhúsið og baðið hjá Tine K

Tine K Home

að sjá út um gluggann

2012-02-29T18:00:00.001Z

Ég hef verið að mála og laga til í kjallaranum síðustu vikurnar og ekkert að verða búin, en ég held ég hafi aldrey eytt svona miklum tíma í kjallaranum áður, en venjulega sit ég uppi í stofunni eða eldhúsinu í tölvunni frekar en að vera hér niðri.

Útsýnið út um glugganna er eiginlega allt annað en á hinum hæðum heimilisins, og þegar ég kom heim úr vinnu í dag byrjaði að kingja niður snjó og klukkutíma seinna tók ég þessar myndir út um gluggann á öðru herberginu sem ég er að mála, en þetta er pallurinn minn og þar sést bakhliðin á kofanum og nokkur blómaker sem bíða eftir sólinni og sumrinu undir fallegri snjóbreyðu.

Hér sjáum við svo hvernig útveggurinn sker sig frá annars hvítu herberginu og glugginn á eftir að njóta sín vel, og ekki skemmir fyrir að sjá snjóinn falla fyrir utan gluggann.

Núna er ég svo að mála sjónvarpsholið alveg eins. plús það að verið er að púsla saman vörubrettum í þessu litla herbergi til að gera gestarúm.

Get vonandi sýnt ykkur einhverjar myndir fljótlega... það er ef þetta verður jafn flott og ég er að ímynda mér það.

En ekkert gerist á meðan ég sit í tölvunni,

svo það er eins gott að koma sér að verki,

Þakka öllum sem nenna að kíkja hér inn

á heimili í suður afríku

2012-02-27T09:00:00.000Z

Innlitið þennann mánudaginn er á fallegt heimili í Suður afríku, sem er einfalt og látlaust en svo hlýlegt og kósý finst mér.

Þarna er ekkert of mikið af dóti en vel valinn hlutur á hverjum stað

Ótrúlega töff og flottt eldhús... nenni ekki einu sinni að spá í hvernig er að þrífa það, finst það bara flott.

Takið eftir að baðkarið er í svefnherberginu.

er það ekki bara algjör draumur? amk dreymir mig um svona gamaldags baðkar í svefnherbergið

Þetta fallega heimili fann ég á nicety.livejournal.com en upprunalega eru þær frá houseandleisure.

sætur sunnudagur

2012-02-26T09:00:00.000Z

Nokkrar sætar og girnilegar myndir sem ég hef verið að safna saman á pinterest.

delicious-photography

góða helgi

2012-02-24T21:23:00.002Z

ummm ég væri til í að enda þessa vinnuviku á girnilegri heimabakaðri kjúklingapizzu og bjór,

eins og við fengum okkur einn góðann föstudag fyrr í mánuðinum. Þá tók ég þessar myndir en deildi þeim svo ekki með ykkur í það skiptið.

Hef ekki gefið mér mikinn tíma í bloggið mitt þessa vikuna, amk ekkert verið að dúlla neitt við að taka myndir hér heima svo það er gott að geta gripið í heimagerðar myndir á lager.

Núna læt ég mig bara dreyma á meðan ég bíð eftir að bóndinn komi heim með eina aðkeypta, vitandi að hún verður ekki svona girnileg, en eflaust góð.

Það eru viðbrygði að vera farin að vinna og hafa ekki allann heimsins tíma til að liggja á netinu og vera að dúlla við heimilið og bloggið mitt. Er svo að mestu í málningargallanum í kjallaranum þegar ég er heima, og bardúsa hitt og þetta sem vonandi á eftir að skila sér hér inni seinna.

Þangað til skelli ég inn fljótlegum, inspiration færslum af netinu, og svona svindlmyndum eins og þessum sem mögulega eru til í myndaalbúminu mínu.

En núna er pizzan mín komin í hús og búin að opna einn kaldan

Hafið það sem allra best á þessu föstudagskvöldi,

rómó og falleg geymslubox

2012-02-23T09:00:00.000Z

house to home

valdirose.blogspot.com

whendecorating

adeline country cottage

ofeliashus.com

bolla bolla bolla

2012-02-20T18:58:00.005Z

godegrunner

Vonandi fá allir fengið nægju sína af gómsætum rjómabollum í dag.

myndirnar þrjár hér að ofan eru frá mommur.is/

swedish cardamom buns

mariaemb

í eyði

2012-02-19T20:43:00.000Z

út að borða í Frakklandi

2012-02-17T10:00:00.000Z

Fann þetta geggjaða veitingahús hér

útí glugga

2012-02-16T09:00:00.000Z

Það er orðið pínu vorlegt í gluggunum hjá mér, en þar sem það dimmir enn dáldið snemma á kvöldin fá ljósaseríurnar að vera.

í stofunni stendur þessi elska í blóma, var gjöf til bóndans á bóndadaginn.... hann segir nefnilega að engin blóm lifi hjá mér, svo þessi er á hans ábyrgð, ég fæ bara að njóta hennar ;)

Í eldhúsglugganum.

Grænt er klárlega vorboði er það ekki? og fer líka svo vel með hvítu.

í heimsókn

2012-02-13T09:00:00.000Z

weranda.

kjallarapælingar

2012-02-12T09:00:00.000Z

Ungarnir hafa nú flogið að heimann, annar fór að búa hér nálægt, hinn fór í hálfs árs ferðalag á hinn enda hnattarins og eftir sitjum við hjónin með hálftómann kjallarann og húsmóðirin með stórann hugmyndabanka..

Í kjallaranum eru tvö herbergi þar sem unglingarnir voru geymdir og sjónvarpsholið, auk þess sem fjölskylduinngangurinn er þar líka svo ágangurinn var mikill og ekkert of smart þar skal ég segja ykkur.

Unga parið er nú farið úr stærra herberginu svo ég er að nota tækifærið og mála það og innrétta fyrir eldri soninn meðan hann er í burtu og hefur ekkert með þetta að segja ;) svo verður hans herbergi gert að gestaherbergi svo vel fari um stjúpsoninn þegar hann kemur til landsins (en systir hans fær núna að hafa risherbergið út af fyrir sig)

Kjallarinn er steyptur og með flísalögð gólf. Allt öðruvísi en restin af húsinu og stíllinn þar má líka vera allt öðruvísi en annarstaðar í húsinu.

Ég verslaði mér frekar dökkgrá kalkmálningu á alla útveggi, aðrir veggir verða hvítir og svo er ég að komast yfir eins marga tré-ávaxtakassa og ég vil (sem ég svo bæsa og geri gamla að sjálfsögðu)

og gestarúmið verður dína á vörubrettum.

Gráir kalkmálaðir útveggir, hvítir milliveggir, vörubretti, brúnt leður, strigaefni og grábrúnn viður..

Það er hugmyndin.

Hér er mitt inspiration í dag;

(Myndirnar eru héðan og þaðan af netinu, set linkana inn við fyrsta tækifæri)

kaffi hjá Fairytale cupcakes

2012-02-10T10:00:00.000Z

Ef ég ætti kaffihús væri ég til í að innrétta það einhvernveginn svona....

http://fairytalecupcakes.no/

Mikið væri ég til í að setjast þarna inn á föstudegi eftir bæjarrölt og fá mér góðann kaffibolla og möffins.

Eruði með?

ný og rómantísk lína frá Greengate

2012-02-08T09:00:00.000Z

"Dóra white" og "Dóra linen" eru ný vörulína frá Greengate og ég er nokkuð viss um að þetta undurfallega munstur í hvítum og gráum litum eigi eftir að slá vel í gegn, enda algjört æði og ekki er verra að þetta fittar svona ægilega vel með beige vörulínunni sem hefur verið á draumalistanum mínum í dáldinn tíma.

Hér er sýnishorn af Dora white/linen blandað saman við Naomi beige og er þetta ekki algjör draumur?

HVÍTT, GRÁTT, BEIGE OG RÓMANTÍSKT:

Auðvitað eru ótalmargar aðrar undurfallegar línur í nyja vörulistanum, litríkar og glaðlegar vörur sem munu aldeilis lifga uppá kaffiboðið á pallinum í sumar. Geri ráð fyrir að nota það í glaðlega sumarpósta seinna meir, þegar ég fer að horfa í áttina að meiri litum til að skreyta hjá mér en í dag er þetta að heilla mig mest.

Skoðið vörulistann þeirra hér

Hafið það sem allra best

að degi sem nóttu

2012-02-07T09:00:00.000Z

Daginn er farið að lengja, og orðið bjart hjá okkur næstum allann daginn...

Það er voðalega notalegt að sjá birtuna læðast inn um gluggana og lýsa upp allt heimilið á daginn...
amk eftir að ég pússaði allt gler í skápum og hurðum, sem reyndist skuggalega nauðsynlegt, í næstum láréttri vetrarsólinni....

á meðan sitja luktir og kerti á skápum og borðum um allt hús og bíða eftir kvöldrökkrinu svo þau geti sinnt sínu hlutverki eða amk þar til sólin leysir þau alveg af og þau komast í sumarfrí.

undir árhifum frá Provence

2012-02-06T09:00:00.000Z

Innlitið í dag er í bjarta risíbúð í póllandi sem mér finst einstaklega smekkleg og falleg

Stíllinn er franskur og aðallitirnir eru hvítur og baige.

veggskreytingarnar og kertaarininn verð ég að segja að heilla mig hvað allra mest við þessa íbúð og ekki hefði ég neitt á móti því að eiga eintök hér heima.

(verð nú að bæta við að svona baðherbergisvörur fann ég í blómabúðinni Sjöfn á Selfossi, þar man ég td eftir svona klóssettrúllustandi)

myndirnar eru frá weranda.pl

sætur súkkulaði sunnudagur

2012-02-05T14:22:00.003Z

L´orange
uppskrift og leiðbeiningar á: cafefernando.com L´orange

Devils food cake.

uppskrift og leiðbeiningar á:cafefernando.com

the best chocolate mousse of your life under 5 minutes
upskrift og leiðbeiningar á: cafefernando.com

deep dark chocolate cookies
uppskrift á:divine-baking.com

chocolate griddle cakes
uppskrift á: gourmet.com

chocolate truffle tart
uppskrift og leiðbeiningar á: gourmet.com

pinterest.com

ég óska ykkur öllum sætann súkkulaði sunnudag

á föstudegi

2012-02-03T09:00:00.000Z

Það er föstudagur og ég væri nú alveg til í að kíkja út að borða í kvöld.....

Ég rakst á þenann ofurflotta veitingastað á yatzer.com

En staðurinn heitir Colonie og heimasíðan þeirra er http://colonienyc.com/

fyrir og eftir myndir

2012-02-02T09:00:00.000Z

Borðstofustólarnir eru nú óðum að verða hvítir með ljósum setum og baki.

Tveir eru að vísu ekki alveg búnir en litla borðið amk orðið fullmannað.

Þetta eru nú ekki draumastólarnir mínir fyrir borðstofuna en þeir ganga alveg svona, og undurfallega gamla borðið nýtur sín mun betur.. takið bara eftir borðfótunum undan hvítum dúknum.

Ég tók fyrir myndir af borðstofunni áður en ég byrjaði á stólunum, en var nógu lengi að þessu til að vera komin með nýja tölvu og sú gamla vill ekki í gang.... og þar eru allar myndirnar.

En á fb fann ég þessu krúttlegu mynd af litlum frænda (sá sami og sat hér fyrir með möffinsið á sunnudaginn ) sem var í pössun hjá mér í byrjun síðasta árs og að taka sín fyrstu skref og þá er nú ekkert verið að ritskoða draslið í bakgrunninum, enda skyggir ofurkrúttið á alla óreyðu, fitjandi upp á nefið alla daga.

En hér sjást amk stólarnir vel eins og þeir voru, brúnir og svartir, en of ólíkir borðinu til að passa við það. Núna passa þeir hins vegar vel við hvíta skápana... allt í kring

Svo eru það jól fyrri ára, en hér er borðstofan uppádekkuð og fín og þá sést kanski breytingin á heildarútlitinu best.

En er nú ekki frændinn litli langfallegastur?

hjá The paper Mulberry.. á pinterest

2012-02-01T10:00:00.000Z

The paper mulberry bloggsíðuna hef ég kynnt fyrir ykkur hér á blogginu.
en hún er lika með pinterest síðu sem gaman er að skoða og ég tók nokrar myndir úr "my style" pinboardinu hennar til að deila með ykkur.
Kíkið á; pinterest.com/papermulberry þar er hún með ótalmörg pinboard sem eru hvert öðru fallegra.

nýr blogghaus

2012-01-31T10:00:00.000Z

Ég var að gera nýjann haus á bloggið mitt um helgina.

Leturgerðirnar eru svipaðar og áður, enda er ég bara voða sátt við það eins og Heiðbrá vinkona mín gerði, en finst það mikill kostur að geta breytt um mynd þegar ég vil, td eftir árstíð.

Í þetta sinn notaði ég mynd af hvíta skápnum og við hliðina á honum stendur bastkarfa á stól og geymir teppin á heimilinu...
og að sjálfsögðu var smellt af fleyri en einni mynd..

Þónokkuð hvítt, pínu brúnt og grátt, og allt dáldið shabby

Hvernig finst ykkur annars blogghausinn?

Ég vildi hafa hann einfaldann og nota bæði gamalt velritunar letur og handskrifað,

og svo er þá bara að gera undirskriftina líka :)

franskur fjallakofi

2012-01-30T10:00:00.000Z

Ég er ekkert alveg búin með innlitin í fjallbústaðina. Hér kemur einn enn, enda alveg verið rétta tíðin fyrir svona innlit, þar sem vetrur konungur nýtur sín hvað best... innanum fjallatinda og grenitré á björtum degi.

'I þetta sinn langar mig til að líta inn í glæsilegt fjallahús í frakklandi, sem er bæði hlýlegt og einstaklega glæsilegt.

ég fann myndirnar hjá nicety.livejournal.com

En þær koma frá art-decoration.dekio.fr

Svo bíða nokkur heimili eftir að við kíkjum inn, póstar sem bíða eftir að fá að komast að í mánudagsinnlitið, en er alltaf ýtt aftast í röðina til að hleypa svona fallegum fjallabústöðum að, enda enn janúar og því vel við hæfi.

sætur sunnudagur

2012-01-29T14:01:00.001Z

Systurbörnin mín þau Eva María og Árni Freyr eru í pössun hjá mér um helgina og í gærkvöldi tóku Eva Maria og Sæunn tengdadóttir mín sig til og bökuðu og skreyttu möffins í öllum regnbogans litum, með bleikum skrautsykri og allt

Þegar við vorum búin að borða morgunverð í morgun fengum við okkur svo kalda mjólk og sætar möffins...

fallegu frændsystkynin brugðu á leik fyrir myndavelina, en sá litli vildi ekki möffins en stilti sér upp eins og stóra systir... alveg endalaust krútt þessi engill

ég byrjaði hins vegar á því að fá mér hafrakex og ávaxtate

og það myndaðist bara ágætlega líka.

nú ætla ég að fara að sinna fósturbörnunum
Vonandi eiga allir sætann sunnudag
kveðja;

kaffibollinn minn

2012-01-28T17:35:00.000Z

ég sit inni í hlýjunni með kaffibolla og snúð og leik mér í photoscape,

nú skal föndrað við að gera nýja undirskrift og blogghaus.

Finst þetta ekki leiðinlegt skal ég segja ykkur.

í snjónum í vikunni

2012-01-28T10:00:00.000Z

ég fór út með myndavelina á miðvikudaginn og tók nokkrar myndir í snjónum...og það átti sko eftir að snjóa enn meira næsta dag.

Ég byrjaði nú á því að mynda kofann minn góða..

fyrst eina mynd að aftan,( en kofinn stendur að hluta til á pallinum)

og svo að framan.

og sjáið förin eftir hundinn minn sem elskar að hlaupa um í snjónum og þá liggur leiðin alltaf bak við stóra steininn hjá kofanum..

Má bjóða þér inn eða kanski sæti?

Svo var farið í göngutúr...

systir mín byrjaði á því að drösla barnavagninum sínum kl 10 um morguninn í mikilli ófærð og skafrenningi, frá Heiðarhverfinu og nirðí bæ.. og það er bara nokkuð langt í svona færð.

Seinna um daginn fórum við svo og sóttum stóra strákinn hennar á leikskólann og tókum góðann göngutúr í dásamlega fallegu veðri ..

Það var svo gaman hjá mér og frændanum að myndavelin gleymdist næstum í úlpuvösunum.

En ekki alveg, því þegar við komum í gamla bæinn var ekki annað hægt en að mynda það sem fyrir augum bar, hvort sem það voru greinar trjánna að sligast undan þunga snjósinsí fallegri vetrarsólinni, eða gömlu fallegu húsin, sem voru eins og á jólakorti..

og hér er hús sem glittir í innanum trén..

og við stóðumst ekki mátið að mynda nokkur trágöng á Melteignum

og kírkjan!

Það er fátt eins fallegt og kirkjan okkar í vetrarmynd.

Þetta er fallegi gamli brunnurinn við Brunnstíg...

og svo eru hér nokkrar götumyndir;

og svo nokkur tré í viðbót í lokin;

og með þessu gamla sjarmerandi hliði á Vallagötunni loka ég þessum pósti.

Enda öllum líklega orðið kalt við að skoða allar þessar vetrarmyndir

(sem eru bæði mínar og sýsur minnar)

Kær kveðja

inná lifandi markaði

2012-01-27T10:30:00.000Z

Þegar ég kom inn í Lifandi markað í fyrsta sinn eftir breytingar (áður maður lifandi) horfði ég alveg hugfangin í kringum mig á alla flottu trékassana og afgreyðsluborð og veggi sem er unnið úr vörubrettum.

Svo það er ekki bara það að þarna seu lífrænar vörur heldur eru innréttingarnar að mörgu leiti endurunnar líka.

Afgreyðslan í veitingastaðnum er töff í svona industrial stíl..

svona flottir trékassar eru um allt þarna inni (keyptir erlendis að sjálfsögðu).. alveg geggjaðir!

Langar í einn eða tvo.. eða....ok mig langar í heilu staflana af svona kössum.

Eins og komið sé inní gamlann markað ekki satt?

Mæli með að kíkaj á lifandimarkadur.is og skoða matseðilinn hjá þeim, hef alltaf fengið góðann mat þarna og ekki er verra að hann er hollur...

og kökurnar er dásamlega góðar :)

Myndirnar fékk ég allar inná fb síðu þeirra.

Góða helgi kæru vinir.
kveðja;

á kertabakkanum

2012-01-26T10:00:00.000Z

tók þessa mynd af kertabakkanum mínum um daginn,

og finst myndin eiga vel við núna þegar kveikt er á kertum hjá mér um allt hús og allt á kaf í snjó úti.

Ég byrja þennann dag á því að kveikja á kertum, tölfunni og kaffivelinni, fæ mér svo morgunmat og kaffi og blogga smá.

Eigið öll góðann dag.
kveðja;

hjá Ib Laursen

2012-01-25T13:24:00.003Z

Nú eru að streyma á markaðinn vorlínur hjá öllum flottu heimilis-vörumekjunum. Fallegar heimilislínur í björtum sumarlitum og með ný munstur, og svo margt fallegt sem boðar okkur hækkandi sól og lengri daga með tilheyrandi garðveislum og litagleði.

En það eru nokkrar Danskar vörur sem eru alveg ægilega inn hjá flestum bloggurunum sem ég fylgist með. vörur sem ég vissi ekki af áður en ég fór að skoða heimilisbloggin og auðvitað er ég orðin alveg veik í þetta allt saman.

Eitt af þeim er Ib Laursen, sem er með úrval af fallegum vörum...
fyrir eldhúsið;

þeir eru komnir með þetta nýja fallega munstur, sem væri alveg dásamlegt að skreyta með á bakka á eldhúsborðinu.. er alveg að sjá þetta fyrir mér.

Fyrir stofuna;

Hér erum við alveg að tala saman.. náttúrulegir tónar, tré, strigaefni og gler

Fyrir konuna sjálfa;

ljóst og rómantískt.

og fyrir garðinn;

grófur leir, sink og tré vörur.

já þetta er nú það sem ég hef fundið úr sumrlínunni frá Ib Laursen, vörulistinn er ekki kominn á netið enn, en ég bíð spennt eftir að skoða hann í heild sinni þegar þeir birta hann á síðunni.

En það er nú eitt og annað sem ég gæti hugsað mér að eignast í þessari litlu upptalningu.

sæl að sinni
kveðja;

í kryddkassanum

2012-01-24T10:00:00.000Z

'I horninu hjá eldavelinni hefur einum af mandarínu kössunum verið komið fyrir með oliu, kryddi og ýmsu öðru sem ýmist passar ekki í kryddskúffuna eða við einfaldlega viljum bara hafa við hendina.

Kassan langar mig til að lýsa aðeins og setja eithvað letur á hann, en hann fær að vera svona í smá tíma en mun svo líklega lýsast með hækkandi sól ;)

Í körfunni sem hangir þarna geymum við lauk og svo er lítil leirkrús fyrir hvítlauk í kassanum, ásamt dásamlegum saltstein sem keyptur var í Sarasoda, piparkvörn, olíu og kakó í krús (fyrir SwissMokka húsfreyjunnar)

Eldri sonurinn keypti sér tómata um daginn og tikynnti að tómatar ættu ekki að vera í iskáp...

ég reyf þá úr plastumbúðunum og skellti þeim í litla bastkörfu og þá er honum guðvelkomið að geyma sína tómata uppá borði mín vegna.

kveðja,

í vetrarfríi

2012-01-23T10:00:00.000Z

Í síðustu viku deildi ég með ykkur alveg stórglæsilegu hóteli í svissnesku ölpunum, þar sem ég væri svo til í að eyða góðu vetrarfrí með ástinni minni.

En svo rakst ég á þennann huggulega fjallabústað í Póllandi, á netinu í vikunni og fanst alveg tilvalið að deila honum sem innliti þessarar viku;

þessi er alveg ekta fjallakofi og minnir eiginlega dáldið á sögurnar um hana Heidi sem flutti til afa sins... en líklega er það nú bara geitin...

Mér finst þessi bústaður alveg einstaklega hlylegur og kósý og margt við hann sem ég gæti hugsað mér að yfirfæra í dæmigerða íslenska sumarbústaði.

Ég fann myndirnar hjá nicety.livejournal.com en þar eru innlit héðan og þaðan af mjög fjölbreyttum heimilum... síðan er að vísu á Rússnesku en þá kemur sér vel að hafa google translate, bara til að vita hvaðan heimilin eru;)

vonandi hafið þið það annars gott á þessum mánudegi og haldið bjartsýn af stað inní nýja viku.
með kveðju;

sætur sunnudagur

2012-01-22T10:00:00.000Z

Góðann daginn.

Hvernig byrjaðir þú þennann fallega sunnudag?

Kanski á góðum morgunverði; með nýbökuðu brauði. sultu. úrvali af ostum, ilmandi te og safa?

úti í snjónum

2012-01-21T10:00:00.000Z

sjarmerendejul.blogspot.com/

nothingbutpennycandy.tumblr

millashem.blogspot.com

favim.com

boligmagasinet.dk

moderncountry.

nothingbutpennycandy.tumblr

á bóndadaginn

2012-01-20T10:00:00.000Z

Í dag er bóndadagurinn og þá munu margir húsbændur fá hefðbundinn þorrabakka með tilheyrandi súrmeti að þjóðlegum sið. En eins hrifin og ég er af öllu sem er gamalt og þjóðlegt, þá er þorramaturinn ekki eitt af því, og ég er svo heppin að bóndinn er jafnvel enn minna gefinn fyrir þennann þjóðlega sið og kýs frekar steik og vænt glas af rauðu með.

Og til að gera sér dagamun er alltaf gaman að útbua fallegt borð og eiga notalega stund með sínum bónda heima í stofu.

Svo ég ákvað að útbúa einfalt og pínu bóndalegt borð fyrir tvo, þar sem ég notaði strigaefni sem einu skreytinguna... ekkert blundu dót fyrir bóndann takk, bara einfalt og töff.

Strigaefni var vafið utanum tauserviettur og svo voru steikarhnífapör sett ofaná og bundin með böndum sem komu af strigaefninu, krukkurnar eru sömuleiðis skreyttar með böndum af strigaefninu.

Bakkinn kemur vel út á heimagerða strigalöbernum og á honum eru drykkjarföng og kertaluktir..sæta tréfígúran á bakkanum er gamall tappatogari, algjör gersemi ;)

Strigaefnið sem ég nota eru kaffisekkir sem ég fékk ég í kaffiverksmiðju hér í bæ, ég bara klipti það niður og straujaði.

Nógu einfalt og töff fyrir bóndann ekki satt?

Vona að þið eigið allar góðann dag með ykkar bónda og njótið þess að stjana við hann í tilefni dagsins.
Eigið góða helgi.
kær kveðja;

hvítur nýstraujaður þottur

2012-01-19T10:30:00.000Z

Nokkrir af hvítu dúkunum mínum voru notaðir yfir hátíðarnar, svo þvegnir og straujaðir ásamt tauþurkum í stíl. Það sat svo nýstraujað á hvíta bakkanaum inni í borðstofu og beið eftir að ég gengi frá því inn í skáp, og ég stóðst ekki mátið að draga framm myndavelina og smella af einni mynd,

Enda er hvítur nýstraujaður þvottur bara svo fallegur.

hjá Atelier de campagne...á pinterest

2012-01-18T11:00:00.000Z

Ég hef ákveðið að vera dáldið skipulögð á nýju ári og vera með pínu fyrirframákveðna vikulega dagskrá hér á blogginu, ég hef prufað það áður og líkaði það vel. það er svo ótrúlega margt sem mig langar til að deila með ykkur og stundum veit ég ekkert hvað ég ætti að taka fyrir næst, en vonandi hjálpar þetta aðeins.

Planið er sem sagt að hafa miðvikudaga kynningardaga, og þá ætla ég ýmist að kynna uppáhalds bloggarann eða pinterest síðuna, jafnvel stundum uppáhalds verslunina.

En byrjum á pinnara vikunnar.

Pinterest síða vikunnar er í eigu Atelier de campagne, sem ég held að sé einhverskonar antíksala með gömlum frönskum munum.

Þar eru öll pinboard-in hvert öðru fallegra, útskornin rammar með fallegri patínu. leirker og styttur. gömul húsgögn og margt fleyra.

Hér koma smá sýnishorn:

Svo er bara að skrá sig sem follewer á pinterest.com/atelierdc og fylgjst jafnóðum með því sem hún bætir við.

í skúffunni

2012-01-17T19:00:00.000Z

Ég datt niður á þá snilldar hugmynd á pinterest, að nota bolla sem ég nota ekki til að skipuleggja skartið mitt.

Svo bollarnir sem þið sáuð í glerskápnum í eldhúsinu eru komnir ofan í skúffu í svefnherberginu.

Bollana hef ég lítið getað notað þar sem þeir eru of litlir miðað við skammtinn sem kaffivelin gefur, en eru ægilega sætir og fínir og alveg fullkonmir í þetta verkefni.

Ofan á kommóðunni eru svo tveir kertastjakar í fullri vinnu en þegar annar brotnaði fengu þeir þetta nýja hlutverk, og laufblöðin eru eins og gerð til að hengja eirnalokkana á og brotni leggurinn tekur við hringum.

Annað var svo í kössum og taupokum ofaní skúffuni og í algjörri óreyðu, enda fer mér ekki vel að halda reglu á hlutunum.... nema ég geti gert það pínu fallega og myndrænt, þá er svo mikið skemmtilegra að halda röð og reglu :)

Mjög ofarlega á verkefnalistanum mínum er svo að taka í gegn svefnherbergið og þessir undurfallegu snagar og höldur bíða þolinmóð í undirskál á kommóðinni. En þeim er ætlað mikið og göfugt hlutverk í nýju og bættu svefnherbergi..... fljótlega.

Er ekki gaman þegar fallegir hlutir fá alveg flunkunýtt hlutverk á heimilinu? Eithvað sem þeim var aldrei ætlað að gera, en gera það svo undurvel :)
Kveðja;

fjallahótel í Svissnesku ölpunum

2012-01-16T20:00:00.000Z

Jæja er búið að plana næstu helgi?

Væri ekki tilvalið að skreppa í helgarfrí í fallegan fjallakofa í Svissnesku ölpunum, skella sér á skíði á daginn og fá sér svo freyðivín í heita pottinum á svölunum á kvöldin og horfa á dásamlegt útsýni.

Hægt er að leigja herbergi með ástinni sinni eða einfaldlega að taka kofann á leigu, tilvalið fyrir stórfjölskylduna eða saumaklúbbinn...

ööö sérstaklega ef maður á góðann bankareikning í Sviss ;)

Á jarðhæðinni er glæsileg setustofa og borðsalur, þar sem öll hönun er að mínu mati frábær og leggur línurnar fyrir það sem koma skal og þá er ég sérstaklega hrifin af viðarveggjunum og..og...

Ekki verður maður fyrir vonbrigðum þegar herbergin eru skoðuð en þau eru hin glæsilegustu í alla staði.

Þetta er svítan á annari hæðinni og þar er hægt að hafa opið inn á þetta fallega baðherbergi með því að draga gluggahlerana frá.

Af þessu baðherbergi er hinsvega geðveikt útsýni sem þú nýtur meðan þú liggur í baði..

ekki slæmt :)

svo er sundlaug og spa í kjallaranum.

Mæli með að skella sér í virtual tour um hótelið, það er alveg upplifun út af fyrir sig.

Jæja ég er amk byrjuð að pakka niður,skíðin komin ofan í tösku og ekki má gleyma bikiníunum fyrir pottarómantíkina

kveðja

í eldhússkápnum

2012-01-14T12:19:00.000Z

Ég hef horft öfundaraugum á allar opnu eldhúshillurnar sem ég sé hjá flottu skandinavísku bloggsnillingunum, þar sem hversdagslegum eldhúsvörum er kæruleysislega raðað saman, svo allt er svo þægilega við hendina....

en alveg ægilega smart og snyrtilegt. Skálar, bollar, könnur og töff áhöld, þetta er svo brotið upp með körfum eða boxum með einhverju einstaklega gagnlegu. og jafnvel vírkörfur með eggjum!!! hmmm

Það er jafnvel skipt út litum eftir árstíðum og hitt bara hverfur sjónum á meðan.

Svo opna ég skápana mína... og ómægod ég gæti aldrey nokkurntímann verið með opnar eldhúshillur í staðin fyrir lokaða skápa, ég segi nú ekki meira.

En.......

í borðkróknum er glerskápur þar sem ég hef verið með ýmislegt gagnlegt, en svona það sem ég dreg framm þegar einhver kíkir í kaffi osfr. og ekkert verið of vel raðað í hann... eiginlega pínu mess stundum.

Ýmislegt var tekið út þegar jólakönnur og diskar var sett inn fyrir jól og þegar því var svo pakkað niður aftur í vikunni ákvað ég að þessi skápur verður bara display eldhúshillan mín,

þar sem ég tek frá hluti sem mega fara í tímabundna hvíld og breyti til reglulega til að hafa pínu gaman eins og þessar Norsku með flottu hillurnar sínar.

Svo ég tók fallegu kaffi/súkkulaðikönnurnar með bleiku blómunum og fleyra í þeim dúr

og bætti ýmsu öðru inn í staðinn....

.....sem sumt er mikið notað, eins og nýju fínu Ikea glösin á fæti ...

sem eru svo mátulega fín að ég er alveg in love ;-)

.......og annað sem er meira til að skreyta með eins og frábæra cupcake boxið sem ég geymi öll fallegu formin í, og hefur bara verið ofan í bökunarskúffu hingað til, en passar svona ægilega vel með Greengate kaffikönnuni og skálinni...... úúúú já ég á sko smá Greengate,

enda engin opin eldhúshilla eða displey skápur með bloggvirðingu nema hafa smá af þessum munstruðu eðal vörum til að sýna (er amk í öllum opnu ofurkæruleysislegu-fullkomnlega í röðuðu hillunum sem mig langar svo til að eiga)

Hér er reyndar óvenju mikið rautt hjá hinni alls-ekki-svo-mikið-fyrir-rautt húsfreyju á þessu heimili,

en það er nú bara dáldið gaman að leika með pínu liti svona korter eftir jól. og blanda dáldið ólíkum hlutum saman.

Það kom mér mikið á óvart þegar ég fór að skoða málið, að ég hef ekki bloggað mikið um þessar öfundsverðu eldhúshillur, en HÉR eru einhverjar samankomnar í gömlum pósti, svo hafa líklega fleyri ratað með í öðrum póstum en ekki verið merkt með "kitchen shelf" label... hmmmm betra að passa uppá svoleiðis lagað.

Takk fyrir innlitið og hafið það sem allra best um helgina.
kveðja;

Góða helgi

2012-01-13T20:58:00.000Z

hjá Master Henry

2012-01-12T01:00:00.000Z

Bloggarinn sem mig langar að deila með ykkur núna er Magnus...jebb fyrsti karlkyns-interior-bloggarinn sem ég rekst á, í frístundum safnar hann 1800 aldar Sænskum húsgögnum, í upprunalegu ástandi, en er söngvari og dansari að atvinnu.
Bloggið er fjölbreytt og áhugavert, þar sem antík leikur stórt hlutverk en myndirnar sem ég vel að deila með ykkur eru þær sem eru teknar heima hjá honum, flestar teknar af ljósmyndaranum Carolina Romare fyrir tímarit. Hins vegar virðist Magnus vera nýkomin með nýja myndavel og lofar að myndirnar heima hjá honum verði örlítið fleyri héðan af.

rococo stólarnir eru frá 1760 og í upprunalegum lit, ótrúlega fallegir með sinni dásamlegu gömlu áferð.

1800 aldar glös nýkeypt á antíkmarkaði.

Þessar myndir tók Carolina Romans fyrir Landliv of food and Wine

Svo koma hér nokkrar myndir sem eru líka teknar af Carolina Romans en í þetta sinn fyrir Antique and Auction feb 2011;

Allar myndrnar eru frá masterhenriks.blogspot.com

leifar af jólum

2012-01-10T13:46:00.000Z

Ég byrjaði daginn á því að fá mér swissmokka og leifar af jólapiparkökum við kertaljós, á meðan vindurinn lemur húsið að utan svo að brakar og vælir í gamla kotinu mínu í storminum sem nú gengur yfir landið

jólaskrautið er farið að tínast í kassa og niður í geymslu.

Eldhúsgluggin orinn hvítur og einfaldur, engir gamlir hrekkjóttir sveinar þar á sveimi lengur en hrörleg jólagrein fékk að standa áfram í gamalli könnu.

ljósaséríur og pappírsfrostrósirnar fá að hanga í gluggunum á meðan mesta skammdegið er...

eða á meðan enn logar á þeim amk

Ég vona að sem flestir láti glærar ljósaseríur loga áfram í gluggum þó jólin séu búin, enda lýsa þær svo skemmtilega upp umhverfið og það er alveg full þörf á því svona amk út janúar.

Í stofuglugganum brenna leifarnar af jólkertunum í gamalli skál,

og niðri í kjallara brenna leifar af enn fleyri jólakertum.

Mér finst eithvað voðalega sjarmerandi og kósý við þau svona álfniðurbrend..

ekkert fínt eða jólaelgt við þau, en bara huggó á meðan ég pakka niður.

Svo notaði ég mikið hvít kerti í allar skreytingar hjá mér þessi jól og þau standa bara enn og hafa það fínt, koma til með að loga áfram með ljósaseríunum og kallast bara ekki jóla neitt lengur.

já og jólasúkkulaðibitakökurnar mínar eru komnar í poka ofaní kexskúfu og er núna bara súkkulaðibitakex ;) og kökudallarnir komnir í geymslu

(ég finn þá amk ekki gamlar smákökur í þeim fyrir næsta jólabakstur eins og oft áður)

Hafið það sem allra best og munið að lýsa upp skammdegið.
kær kveðja

inni í kósýfíling

2012-01-08T17:21:00.000Z

joannagoddard.blogspot.com

potterybarn

franciskasvakreverden.blogspot.com

yourdecoratinghotline.com

síðasta jólabloggið í ár

2012-01-06T17:16:00.000Z

ég datt niður á þetta fallega jólaheimili og ákvað að deila því með ykkur sem síðast jólainnlitið þó kominn sé tími til að við tökum niður jólaskrautið okkar. Bara get ekki staðist það, skulum kallas þetta síðasta séns til að dást að fallegum jólum.

Heimilið var skreytt árið 2009 fyrir house and Home magazine o

myndir fengnar hjá thecrossdesign.com

ljósmyndari janisnicolay.com

Nú kveðjum við Íslendingar jólin og ég verð að segja að mér hefur þótt einstaklega gaman að vera með svona interiorblogg yfir þennann dásamlega árstíma, og gaman að því hversu ótalmargir hafa bæst í hópinn sem fylgist með blogginu undanfarinn mánuð.
Nú tekur kósý tími við þar sem skammdegið og snjórinn hverfur ekki þó við skjótum upp jólunum, hlakka til þess að njóta þess tíma með ykkur. Kakó, ullarteppi, arineldur og margt fleyra huggulegt eru þau myndefni sem ég hef verið að kíkja á.
knús;

2012-01-05T20:03:00.000Z

jæja þá er kominn tími til að koma heimilinu í fyrra horf eftir jól.

Mér liggur nú aldrey á að taka niður jólin, en er sem betur fer búin að færa borðin til, þangað sem þau eiga að vera og örlítið að breyta skreytingum svo það er ekki alveg jafn jólalegt og nokkrir hlutir fengu hvíld snemma og komnir niður í kassa... en alls ekki mikið ;)

Litla krútlega borðstofuborðið er sem sagt komið inní borðstofu aftur og í staðin fyrir jólaskreytinguna sem áður var setti ég silfurbakka með kertum og konfekti. Finst það dáldið nýjárslegt eða amk hátíðlegt en ekkert endilega jóla. (hátíðarnammið faldi ég fyrir jól og svo var það bara ekkert svo vinsælt haha)

á eldhúsborðinu..sem stendur jú í eldhúsinu aftur, er bakkinn með vatnsflöskunni og glösunum (fjsk drekkur mun meira vatn ef það stendur á borðinu.. með glösum) og þar er líka Hýasintu laukurinn kominn í sætt glas á fæti, og eiginlega hefur greyið verið lækkaður í tign frá því að vera í silfur konfekt skál í borðstofunni.

Á morgun er svo þrettándinn en þá hittum við tengdafjsk í þrettándaboði og skjótum upp jólunum, með því sem eftir er af flugeldum. Á morgun er líka síðasti séns fyrir jólablogg en þá langar mig til að heimsækja fallegt jólaheimili sem ég rakst á á netinu í dag.

Kær kveðja til ykkar allra

nicely distressed gray

2012-01-04T20:11:00.000Z

atelierseptember.dk

Er þetta allt saman ekki undurfallegt?

Svo gamalt og sjúskað eins og það hafi upplifað svo ótalmargt í gegnum árin,

gert með photoscape

2012-01-03T12:29:00.000Z

Hún Beate hjá beates verden hefur alltaf verið með svo fallegar myndir á síðunni hjá sér, ekki bara að hún eigi fallegt heimili og taki mjög flottar myndir af því sem hún er að gera, heldur er myndirar svo skemmtilega unnar hjá henni og ég hef verið að spá í hvort ekki sé hægt að gera þetta án þessa að þurfa að vinna það frá grunni í photoshop.

Hér var hún að benda á hvaða forrit hún notar, að vísu með photoshopinu líka, en segir að hitt eigi alveg að duga, það heytir photoscape og er frítt download af netinu. Ég prufaði og tók mynd af þessum fallega engli, sem hangir á jólatrénu mínu og er að halda uppá sín fyrstu jól með okkur, og setti svona einfaldann ramma sem gefur myndinni það útlit sem ég hef verið að leita að , svona þrívíddar-ljósmynda lúkk.

En svo eru möguleikarnir ótalmargir, ef maður vill gjörbreyta myndum.

Það er nú alls ekki hugmyndin hjá mér að fara að breyta myndunum svona mikið nema þá bara til gamans, enda er minna og einfaldara algjörlega málið, en þetta er voða gaman, þegar við á.

Myndin er af jólasveini sem öfugt við engilinn, hefur hangið á trénu frá mínum fyrstu (eða öðrum) jólum.

Hann var fyrsta virkilega fallega jólaskrautið sem ég keypti á tréð mitt, og hefur í 20 ár hangið á besta stað á trénu, jafnvel þó að nýtt og fallegt skraut bætist í hópinn, enda á hann sínu virðingu skilið blessaður kallinn.

Þakka ykkur öllum innlitið og langar að bjóða nýja lesendur velkomna og vonandi eigið þið eftir að njóta þess sem ég hef til að sýna ykkur. Bæði það sem ég deili af netinu og líka sitt lítið af hverju með, sem ég er að reyna að mynda sjálf hér heima (ekki verra að núna get ég lagað þær pínu til fyrir ykkur ;-)

Innileg kveðja til ykkar allra;

bakað fyrir áramótin

2012-01-01T23:40:00.000Z

Ég bakaði piparkökur fyrir jól, en lét hinsvegar ekki verða af því að skreyta þær fyrr en núna fyrir áramót og að sjálfsögðu voru frostrósir fyrir valinu ásamt stjörnum og einstaka jólatrjám.

Skreytt með hvítum royal icing og glimmeri

Piparkökurnar fóru svo með til foreldra minna um ármótin , þar sem stórfjölskyldan fagnaði saman og skálaði fyrir nýju ári

Gleðilegt nýtt ár

2012-01-01T07:30:00.000Z

Ég óska ykkur öllum gleðilegt ár og þakka frábærar viðtökur hér á blogginu á árinu sem er að líða.

credit

Viðbrögðin við þessu litla bloggi mínu hafa verið svo allt allt annað en ég bjóst nokkurn tíman við og ég vil þakka ykkur öllum fyrir einstaklega jákvætt viðmót og dásamlegu commentin ykkar.

Hlakka til að halda inn í nyja árið með ykkur.

Knús á ykkur öll.

kær kveðja ;

um áramót;

2011-12-31T13:13:00.000Z

pinterest.com

everythingfab.com

pinterest.com/champagne/

Eigið ánægjulegt gamlárskvöld

kveðja;

jólakofinn

2011-12-30T19:17:00.000Z

Svona var umhorfs fyrir utan kofann snemma í Desember,

en í dag er snjórinn ekki alveg jafn mikill svo gamli jólasveininn getur kíkt út um gluggann og í glugganum standa tveir litlir jólskór sem merktir eru Sæmi og Maddi, og það hefur ýmislegt leynst í þessum litlu skóm þegar litlir snáðar kíktu á morgnana

Inni í kofanum stendur lítið jólatré á borðinu, skreytt með ýmsu bæði nýju og gömlu skrauti, pínu retro stíll á þessu.

kveðja;

Jólin heima hjá mér

2011-12-28T01:40:00.000Z

Ég vona að þið hafið öll átt gleðileg og notaleg jól.

Það hef ég amk. Hef verið svo upptekin við að njóta daganna að ég hef ekki gefið mér tíma til að deila jólamyndunum mínum með ykkur fyrr, enda voru ný tæki sem þarf að læra á, pússl sem þarf að pússla og bók sem þarf að lesa, meðal þess sem leyndist í jólapökkunum,svo húsfreyjan hér á bæ hefur haft nóg að gera og svo er öll fjölskyldan mín heima þessa dagana og það er sko eithvað til að njóta .

En hér koma myndir frá aðfangadegi og svo nokkrar sem ég tók af jólaskreytingum heimilisins í dag;

Nokkrir af jólapökkunum sem ég lék mér að pakka komnir undir tréð.

Borðstofuborðið okkar er eldgamalt og undurfallegt, en...

það er bara fjögurra manna og engin stækkun. svo eldhúsborðið var fært inní borðstofu þar sem við vorum 7 í mat í þetta sinn en ekki fjögur eins og áður. Það gaf mér óneytanlega nýja möguleika og smá fjölbreytni í borðdekkningu þetta árið. En ég legg á borðið á þorláksmessu svo það gefst góður tími til að nostra við það.

Hér eru svo óvenjulegar myndir hér á blogginu, en þær sýna að hér býr fólk með öllu því sem fylgir jólahaldi;

sonurinn blandar jólaölið korter í jól....

og eiginmaðurinn leggur lokahönd á jólamatinn.

Svo er hér fjölskyldan samankomin í stofunni eftir mat, með kaffi og jóladesert og opnum jólagjafirnar.

En í ár voru foreldrar mínir hjá okkur og þrjú af börnunum okkar og tengdadóttirin kom þegar leið á kvöldið. Áttum alveg dásamlega kvöldstund.

Svo fór ég aðeins um húsið í dag með myndavelina og smellti af nokkrum hér og þar;

Jólatréð er gamalt gerfitré sem mamma og pabbi áttu, og frekar gisið, en passar bara svo mátulega í litlu stofuna mína og á því er samansafn af bæði nýju fínu skrauti sem ég kaupi mjög gjarnan á útsölum í janúar og gömlu skrauti sem alltaf hefur hangið á trénu mínu...

Við stigann í holinu er svo litla jólaþorpið mitt, en þetta eru keramikshús sem ég málaði fyrir nokkrum árum og vekur alltaf mikla lukku hjá litlum gestum sem fá að raða og leika sér með fólkið í þorpinu (en láta húsin vera) og takið eftir ísbyrninum sem einhverjum hefur þótt eiga heima þarna.... mér finst það bara briljant og hann er sko friðaður hjá mér þessi jól.

Hvíti skápurinn í holinu er svo alveg tilvalinn til að geyma öll myndakortin sem bárust þessi jól...

...sjáið hvað við erum rík og lukkuleg með allar þessar fallegu gersemar í kringum okkur:)

og gluggarnir;

í nokkur ár hafa gylltar stjörnur og jólaóróinn hangið í gluggunum að framanverðu en núna bættust pappírsfrostrósirnar við í stofugluggann, eiginlega bara svo ég gæti sleppt því að vera með rimlagardínurnar niðri, sem ég er orðin svo þreytt á ,

í glervasanum eru þrjár svona smjókúlur sem ég vissi ekki alveg hvar ég átti að hengja en enduðu bara svona.

og svo var ég búin að sýna ykkur borðstofugluggann áður, en varð að setja mynd af lauknum mínum svona ægilega blómstrandi og fallegum

Svo eru hér nokkrar myndir úr eldhúsinu;

en þar er núna litla fallega borðstofuborðið, með dúk að sjálfsögðu, eldgamla póleraða borðið er nú ekki óvarið í eldhúsinu á mínu heimili.. ónei!

En það er bara voða kósý og viðkunnanlegt þar og líklega breyti ég þessu ekkert aftur fyrr en í næstu viku. (enda verið að pússla á stóra borðinu í borðstofunni ;)

Svo skulum við enda á nokkrum myndum úr stofunni;

Hreindýrið sem mér var fært frá Ameríku núna fyrir jólin, finst það algjört æði.

(eiginmaðurinn svindlaði sér með á myndina haha)

á bakkanum á stofuborðinu eru innpakkaðar bækur með jólaglansmynd, kerti sem ég skreytti með englamynum og perlur,

alveg ægilega rómó og huggó ekki satt?

En svona var stemningin á meðan ég skrifaði þennann póst. kertaljós, kvítvín og konfekt, með jólatréð fyrir framan mig. Fékk svo kæra vinkonu í heimsókn (frétti líklega af hvítvíninu og konfektinu) svo pósturinn fór í smá pásu og byrtist mun seinna en planað var ;-)

Vegna beiðni frá litlum frændsystkinum mínu bæti ég við myndum af Loga;

eins og þau benntu svo réttilega á þá vantaði alveg myndir af aðalprinsinum á heimilinu,

en auðvitað var glugginn hans skreyttur, með ljósaséríu, gyltri stjörnu og jólaóróa og þar situr hann, sem fallegasta jólaskrautið mitt og fylgist með lífinu úti.

Takk innilega fyrir innlitið og vonandi líkaði ykkur þetta litla jólaboð mitt hér á blogglandi.
jólakveðja;

Gleðileg jól

2011-12-24T12:19:00.000Z

hugmyndir fyrir jólaborðið

2011-12-22T13:04:00.000Z

http://pinterest.com/stinasaem/winter-cristmas/

eitt lítið grenitré....

2011-12-20T12:15:00.000Z

......einmanna stóð

úti á snæviþaktri grund

Einn daginn gekk þar hjá ungmær svo rjóð

undraðist mikið þennann fund

ó litla grenitré ungmærin kvað

er ekki leiðinlegt hjá þér?

vilt að ég færi þig og flitji úr stað, þú farir heim með mér?

round barn potting co

Eitt lítið grenitré andvarpar þá,
á endanum svarar daufum róm
taktu mig heim með þér, þá heyra ég má
hátíðarsöng og fagrann óm
En litla grenitré ungmærin kvað;
á ég að slíta þig frá rót?
þá sagði grenitréð þegar í stað;
það skaltu gera fagra snót

vita verandan

Ó litla grenitré hvað ungmærin smá

ekki ég skilið get við þig

Svaraði grenitréð glaðlega þá;

góða taktu mig

Ég vil verða jólatré því jól fari hönd

já það er æðsti draumur minn

berðu mig ungmær góð langt út í lönd

mig langar að skreyta bústað þinn

evi´s country snippets

round barn potting co

Stundum er minna, meira.

Amk finst mér lítið alvöru grenitré með sínn bera topp og ófullkomna vöxt (samanborið við gerfitrén) langfallegust með einfalt og lítið skraut, svo náttúrulegt og fallegt.

one little christmas tree með frostrósum, hreint dásamleg útgáfa af þessu fallega lagi.

jólakveðja

frost og snjór í borðstofunni #2

2011-12-19T13:11:00.000Z

Eins og ég hef áður sýnt ykkur, þá er borðstofan hjá mér að mestu skreytt með hvítu og silvur og þá eru það frostrósir og snjór sem er í aðalhlutverki, með smá könglum og fleyru til að gefa þessu svona vetrarfíling.

Á borðstofuskápnum...

...er þriggjahæða kökubakki skreyttur með snjóboltum (sem eru pappírsdúskar búnir til úr serviettum) og svo eru könglar og gerfisnjór á tertudiski notað til að gera svona vetrarsenu í anda snjókúlana góðu. þá bleytti ég glerhjálminn og stráði snjó yfir og lét þorna, eins og Dossa hjá Skreytum hús benti svo snilldarlega á

kökudiskar, karöflur og vínkassi er notað til að skreyta borðstofuskápinn... á það ekki bara ægilega vel við?

Og svo er það borðstofuglugginn:

ég fékk mer hyasintulauk í fyrsta skipti og setti hann í silfurskál og fyllti með gerfisnjó...

vonum svo bara að hann nái að blómstra hvítu fallegu blómi fyrir jól.

og svo held ég áfram að föndra úr pappír.. gerði svona keylur úr pappírsblúndum og skreytti með glansmyndum... með vetrarmynd að sjálfsögðu

og svo fór að sjóa svo ég smellti af annari mynd:

Ég ætla að fara að skreyta jólatréð, er búin að setja það upp á sínn stað, þar sem stofan og borðstofan liggja saman og nú mun borðstofan fá smá gylltan sjarma ;)
Þakka ykkur innlitið og hafið það sem allra best á þessum fallega degi,
kveðja;

sætar frostrósir og annað góðgæti

2011-12-18T13:22:00.000Z

á að baka eithvað fallegt fyrir jólin?

Hér eru nokkrar undurfallegar hugmyndir;

Glorious treats

glorioustreats.blogspot.com

branoesq.blogspot.com

favim.com

uppskriftir af sykurkökunum og royal ising og alles hér

pinterest/Svana Sig

Glorious Treats

jólatréð í stofu stendur

2011-12-17T20:29:00.000Z

niagaranovice.blogspot.com

athomearkansas.com

candycane eða piparmyntustafur... er það málið?

2011-12-16T15:00:00.000Z

A rosy note

Eftir góðann göngutúr í snjónum að skoða jólaljós eða búðarrölt í miðbænum, er ekkert betra en að koma inn og ylja sér á heitu súkkulaði, og kanski ekki svo vitlaust að prufa að bæta smá piparmintubragði við með nammistaf, eða candycane, eins og kaninn gerir það. Enda fátt eins jólalegt og sykurpúðar og hvit/rauðröndóttur jólastafur með súkkulaðibollanum.

mynd 1 og 2; Svana Sig

(ok hér er enginn jólastafur, en svo ægilega rautt og hvítt að það fékk að fylgja með)

peppermint hot cocoa

nofussfabulous.om

Er ekki súkkulaðibollinn jólalegur svona?

Svo jólalegur að þetta er tilvalið efni í jólagjafir.

gordongossip

Allt hráefnið í kakóið sett saman í krukku...

svo má skreyta fallega og gefa af ást og umhyggju.

Svo er ýmislegt meðlæti með heita súkkulaðinu eða kakóinu alveg tilvalið í jólapakkann...

búið til úr piparmyntustafnum góða.

mynd1; peppermint-bark mynd 2;cakepops

mynd 3; Homemade Candy Cane Marshmallows mynd 4; candycane syrup

Uppskriftir og leiðbeiningar í linkunum, svona ef þið hafið tíma og vitið ekki hvað á að gefa einhverjum sem allt eiga ;)

Munið líklega finna mig að sniglast í kringum nammihillurnar um helgina að leita að amerískum piparmyntutöfum í íslenskum stómörkuðum, kíkti í einn stórmarkað í gær án árngurs.

í gamla bænum mínum

2011-12-14T10:00:00.000Z

Ellert gretarson er ljósmyndari sem heur tekið myndir fyrir vf í mööörg ár, og ég týndi til myndir frá honum bæði teknar núna í desember og nokkrar sem voru teknar einn harðann (og að mínu mati æðislegann) vetur fyrir nokkrum árum.

Ég og Elli ætlum sem sagt að bjóða ykkur með í göngutúr um gamla bæinn í snjó og kulda, en þegar við bætum jólaljósunum við snjóinn þá verður gamli bærinn minn eins og eitt stórt jólakort.

Ég labba alltaf heiman frá mér og út vallargötuna eða Túngötuna ...

en á Túngötunni býr hún Bára sem er frænka sona minna og með jólalegustu hurð og inngang sem ég rekst á á minni göngu. Hér sjáum við líka glitta í Hárskúrinn hennar sem er krúttlegasta hárgreiðslustofan í bænum.

við hliðina á henni er svo litla jólahúsið sem er ævintyri fyrir öll börn að fá að skoða.

Hún Bára á nú ekki smekkvísina langt að sækja því beint á móti henni er þessi undurfallega hurð sem foreldrar hennar eiga, en húsið áttu afi og amma strákanna minna þar til sonur þeirra tók við og hefur endurgert húsið á alveg einstaklega fallegann hátt.

við höldum göngunni áfram og förum vallagötuna á enda og þar er lítil þyrping af fallegum gömlum húsum.

Bakhliðina á þessu húsi er ég ekkert viss um að margir taki eftir, og án efa finst mörgum það fremur hrörlegt, en hér hefur Ellert fangað nákvæmlega það sem ég sé og dáist að þegar ég geng þarna framhjá.

Brunnurinn sem keflvíkingar sóttu vatnið í forðum.. á Brunnstík að sjálfsögðu

Litla ofurkrúttlega húsið sem er beint á móti kirkjuni, alltaf óaðfinnanlega fallegt

og Keflavíkur kirkja, stór og falleg kirkja í gamla stílnum.

og Kirkjuteigurinn er gata sem ég rölti oft, enda skemmtileg gata að ganga, með nokkur falleg hús og svo bjó ég þar einu sinni og líkaði það vel

Ég þakka ykkur fyrir þennann stutta göngutúr, en nú er okkur orðið kalt og eigum skilið ilmandi heitt súkkulaði og piparkökur.

Njótum þess í næsta pósti ;)

jólakúlurnar mínar

2011-12-12T21:14:00.000Z

Ég var ekkert búin að sýna ykkur almennilega uppáhaldsjólakúlurnar mínar í fallegu silfurskálinni minn.

jæja Þær voru myndaðar í bak og fyrir í dag svo hér sjáið þið þær.

Mér finst þær svo dæmalaust fallegar , svo elegant en gamaldags.